چارەسەریا دەرونی بۆ وان کەسانە یێن کو ئاریشەیەکا دەرونی یان زەحمەتیەک د ژیانا خۆ یا رۆژانە دا هەین، ئەوێن د خەمۆکی یان دلقەلەقیێ دانە، یان ئەوێن ژ ئەگەرێ رویدانەکا خراب یان بوویەرەکێ، هەردەم ب خەمگینی دمینن و هزرێ تێدا دکەن.
هەروەسا بۆ وان کەسانە یێن کو د دەمێن ب زەحمەت دا دناڤ خێزانێ دا دەربازبووین یان ئاریشەیێن دی یێن ناڤمالی هەنە کو سەرەدەریكرن دگەل وان یا ب زەحمەتە.
کلینیکا ئەلمانی IPP بۆ چارەسەریا دەرونی دێ هاریکاریا تە کەت کو رووبڕووی ئاریشەیێن خۆ یێن کەسی ببیە ڤە ب رێکا گوهداریکرن، ئاخفتن و دانا راهێنانێن کرداری.
چارەسەریا دەرونی دێ باوەری ب خۆبوون و ئارامیێ دەتە تە.
چارەسەریا مە تەرکیزێ لسەر دەرمانان ناکەت، هەرچەندە د هندەک حالەتێن تایبەت دا، دبیت دەرمان چارەسەریەکا زێدە بیت.

تو دشێی سەرەدانا کلینیکێ بکەی ...

• ئەگەر تشتەکێ خراب ب سەرێ تە هاتبیت و تو نەشێی ب تەنێ چارەسەر بکەی و تو هەست ب نەئارامیێ بکەی.
• ئەگەر رویدانەک (حادیسە) ب سەرێ تە هاتبیت و بیرهاتنێن وێ ترۆمایێ بێزاریا تە دکەن.
• ئەگەر تو رووبڕووی ئاریشەیەکێ بووی چ دناڤ خێزانێ دا یان ل دەرڤە کو تە دلقەلەق دکەت و تو نزانی دێ چ کەی یان بڕیارێ بدەی.
• ئەگەر خەو و/یان حەزا تە یا خوارنێ (شهیە) هاتبنە گوهۆڕین و تو نە وەک بەرێ یی.
• ئەگەر تە کەسەکێ خۆشتڤی ژ دەست دابیت و تو نەشێی خۆ دگەل وێ ژدەستدانێ بگونجینی.
• ئەگەر تە ترسەکا وەسا ژ تشتەکی یان جهەکی هەبیت کو ژیانا تە یا ئاسایی ب شێوەیەکێ خراب کارتێکرن لێ هاتبیتە کرن.
• ئەگەر تە هندەک رەفتار یان هزرێن دیارکری هەبن کو بۆ تە نە د ئاسایی نە و تو نەشێی کۆنترۆلا وان بکەی یان ب راوەستینی.

گەلەک زەحمەتیێن دی هەنە کو دبیت ببنە ئەگەرێ نەئارامیێ؛ چارەسەرکەرێن دەرونی دێ هەلسەنگاندنا تە کەن و هاریکاریا تە د چارەسەرکرنا وان دا کەن.
چارەسەرکەرێن دەرونی یێن ب رێکێن زانستی راهێنانکری دێ هاریکاریێ کەن د کێمکرنا نەئارامی و نیشانێن تە دا.
چارەسەرکەرێ تە دێ هاریکاریا تە کەت کو چارەسەریەکا باشتر بۆ ئاریشەیێن خۆ ببینی.